ملا بهمن جرغه اینانلو

ملا بهمن جرغه فرزندخان محمد از تیره جرغه طایفه چایان می باشد که بین سالهای 1290ه.ش تا1317 می زیسته است ودر سنین جوانی دیار فانی را وداع گفته و به ابدیت پیوسته است. اشعاری از این شاعر با دست خط خودش نزد یکی از بستگان نزدیک وی به نام حاج علی آقا جرغه موجود بود که نمونه ی آن در ذیل آمده است.  

دئدیم های دئدیم- دئدیم یاعلی                      هریئرده درقالدیم دئدیم یاعلی                 

چوخ کَسه یار اولدین او بر بو برده                     چوخ کسه یار اولدین بیابانلرده

آپاردوینگ یئتیرتینگ شهری برورده                    ذوالفقاری داغا ووردینگ یاعلی  

سن آزاد ایلادین چوخ بیجان تنی                      مسلمان ایلادین کافر ارمنی                    

محمد ص خیبردن چاقوردی سنی                    مدینه ده جواب وئردینگ یاعلی                 

تئز میندین دولدولا دریا دان گئشتی                  قنبرجلویندا داغلاردان آشتی                                           

بیر ساعته اومکانا یتیشدی                             ده میر دری سن سیندردینگ یاعلی              

بهمن دئیه ر شفا خواهیم اولاندا                      حق جلادی باش اوجونا گلنده                   

محمد(ص) معراجه گئدیب دوناندا                      اوز سررینگی خوب بیلدردینگ یاعلی      

                                         بیزه ده قالماز 

قرآنین کلامی معرفت اولار                          بسم الله دئیه نده گوزلاریم دولار

او حوری ملک لر بهشت دن گله ر                 گئدر بو جوا نلیگ بیزه ده قالماز

بلبل اون گول لاری باغلار دن گله ر                بهارون قوشلاری چمندن گله ر

بو شیرین کلام لار یادگار قاله ر                     گئدر بو جوانلیگ بیزه ده قالماز

این اشعار نیز که در وصف محمد تقی خان بلاغی اینانلو کلانترزاده ایل اینانلو درهنگام مرگ از زبان پدرش کهزادخان سروده شده منتسب به ملابهمن جرغه می باشد: 

تقی خان ائلخانی رستم پهلوان                     داغین بالای داغدی یوخودور درمان

اوغول جان اولا ایدیم من سنه قربان                باغریم یاندی گران درده ن اوغلوم

خبر گلدی تنگی موردی باغلودی                    من بیلمیردیم کولگه م منه اوغرودی

تیر ناحق گلدی سنه اوقرادی                        داغدار ائتدی ائل اوبایی خان اوغلوم

شیرازدن گلنده توتوم اَلیندن                          خبر آلدوم اولکه سیندن ائلیندن

دیداری مهربان شیرین دیلیندن                      غبار قوندو گوزلارینگا خان اوغلوم

هانسی ظالم سنی بویاتدی قانا                    نامردلیگه سینه ینگ توتدو نشانا

رحم ائتمدی بو نازنین جوانا                           اودسالدی جانومه یاندوم خان اوغلوم

کهر نازینگ تنگ دن گلدی خبره                      شیهه چکدی اوز ایلادی ائل لاری

طوی توتماغینگ عزا اولدی بیز لاره                  بو رعنا قامتین گوردوم خان اوغلوم

تقی خان ائلخانی ائل سیون اوغلوم                دلیر و جنگجو صف شکن اوغلوم

سودیگین اوزونا من نیجه باخوم                      گوندوزیمی تار ایلادینگ خان اوغلوم