X
تبلیغات
رایتل

شعرا و نویسندگان ایل اینانلو

یاشاسون اینانلو ائلی

محسن رجایی پناه(سخنسرای ایل قشقایی)

سروده  محسن رجایی پناه  شاعر فرهیخته وسخنسرای ایل قشقایی

 

 

                                           چوپان قارداش 

 

چوپان قارداش گل اوتوراگ آغلایاگ                   آللیمیزه قره پیرچیم باغلایاگ

غم بیلمه ین اوره کلری داغلایاک                     

                                                               ظالم دونیا ایکیمیزی آللاتدی                    

                                                               باشیمیزی ایشه دوتوب اویناتدی 

                

خاسا قوچی اوز الی یینن آسدیلار                   شیشک لری بیربیر دوتوب کَسدیلر

کورپه لری گوز دمینده باسدیلار

 

                                                               پازانلارا سختان اولوب کمرلر                  

                                                               قومری  بولبول سسه گلمزسحرلر   

 

قاشقایی اینینگ آی اولدوزوباتیب دیر                گوی داغلاری کفن گئیب یاتیب دیر

قارانغیلیق دامانینا چاتیب دیر                            

                                                               تور اویاناگ اویانماغینگ چاغی دیر

                                                               اوزاق شامدان بیر تک سحرباقی دیر 

 

چوپان قارداش گل اوتوراگ آغلایاگ                   قره بایداغ پایا لارا باغلایاگ

وریندیلینگ توزون آلیب یاغلایاگ                  

                                                               قرنگیده هادیق اولاگ یاتمایاگ               

                                                               چای خره دیر سئل گلنده باتمایاگ           

           

دیشده گوردیم اوباکوچوب یولدایاگ                   بیرگون داغدا بیرگون د اها چولده یاگ

سونا کیمین اوزگج اولوب گولده یاگ           

                                                                اوشاق اولوب یالدان یالا قچیرگ                      

                                                                قوده قوده نوروزگولوبیچیرگ 

 

دیشده دئدیم کهر آتلی چاپا ایدی                     تازا یوردو بیزیم ایچون تاپا ایدی

نگارآنام ترکو چوره گ یایا ایدی                

                                                                 بیرده گنه کره بوکول توتام من                        

                                                                 قچه قچه هنه ووروب اوتام من  

 

چوپان قارداش گل اوتوراگ آغلایاگ                     قره بایداق قولوموزا باغلایاگ

هفت بند نیه سولگو ووروب یاغلایاگ          

                                                                 بیرده د اها گدن دارغا چالایگ سن                  

                                                                 غم غباره اوره گیمدن آلاینگ سن

 

هیچ گورموشدونگ گون چیخمه میش آی باتا         هیچ گورموشدونگ گلین ئوله توی یاتا

اوغرامیشدینگ ایشیق یئرده ظولماتا                 

                  بیزلربوگون بئله گونه دوشموشاگ   

                                                                  یتیم کیمین آنا دئیب جوشموشاگ

 

چوپان قارداش آغلاما گل دانیشاگ                      ال بیر ائد یب ینگی  باشدا

 کور اوغلویوچنلی بئلد ن سوروشاگ           

                                                                  یول اوزاق دیر خوف وخطر دالدا دیر          

                                                                  یول وورانلارهرطرفدن یولدا دیر                                 

 

      سروده ی خرم احسانی اینانلوبا برداشت از اشعار( چوپان قارداش ) آقای رجایی پناه شاعردردآشنای ایل قشقایی

                                                    چوپان قارداش

 

چوپان قارداش غم قوجاغی باغلاما                   اشکی حسرت توکما بئله آغلاما

ائل اوشاقون قره باغرون داغلاما                        

                                                                دورایاغا بیر های سالاگ ا ئل لارا      

                                                                قلیج چاخاگ ووراگ نامردبئل لارا 

 

چوپان قارداش چارا قیلمز آغلاماق                     آ للی میزه قارا بایداق باغلاماق    

 ائل اوشاقونگ اوره گینی داغلاماق                   

                                                                 گره گ بو گون بو یوخودان اویاناگ      

                                                                 ایل ییغیشه بیربیرینن دایاناگ

 

زگورموشاگ قوچی دارا آسدیلار                        شیشک لری بیربیر باشون کسدیلار

کورپه لاری دوستاق لارا باسدیلار                      

                                                                 نچون گره گ اولاگ بئله بی خیال   

                                                                 گرایساساگ هر ایش اولورلامحال

 

نچون دیه گ آی اولدوزلار باتوب ِدیر                     گوی یایلاق لارکفن گی ایب یاتوب دیر

قرنقولیق گجه بیزه توتوب دیر                         

                                                                 بیرگون گلرآی اولدوزلارچیخاجاگ    

                                                                  حق دانوشان اوزیولونی آچاجاگ

 

چوپان قارداش چوخ صحبت لار ایشیتدیگ            مجلس لاردا یوخسول لاردان دانوشدیگ    

آخرعاقبت نتیجه یه یتیشدیگ

                                                                یول بودورکه ظالیمنان ووروشاگ

                                                                داها بسدیر موندان آرتیق دانوشاگ

 

گره گ چکه ک برنو تفنگ قوجاقا                       ایشیق سالاگ بو یانمویان اوجاقا 

قطارفشنگ بیز قویمویاگ بوجاقا

                                                                یاد ایلایاگ مظلوم لارین شاهنی                 

                                                                تقاص ائداگ یتیم لارین آهینی 

   

آل سعود جنایت لارائتدیلار                               بحرین دا گورناحق قا نلار توکدیلار 

حق دئیه نین دوداغونی تیکد یلار                   

                                                                ظلم و ستم حکام لاردان گوراراگ          

                                                                بیزاوتورموش قان تو کانا باخاراگ

 

گلین ا ئل لار اویاق اولاگ یاتمویاگ                    هوشیار اولاگ باتلاق لارا باتمویاگ

تیری میزی بیز بی هدف آتمویاگ                                  

                                                                دوشمن ایننگ  قلبینی  توتاگ نیشانا          

                                                                امیدواردی یاتان بخت لار اویانا

 

هاچاق اولا بویوخودان اویاناگ                           الل سونینگ  بیز دورانا دولاناگ    

حق سوزچالاگ اگرقانا بویاناگ                                

                                                                 چالدران جنگیندن الهام توتاگ بیز            

                                                                 ییتمیش ایکی جانبازتک اولاگ بیز          

               

آغیرائل لربیربیرینن یغیشاگ                             یک رنگ لیگه بیربیرنن چالوشاگ 

اوزاق دوشان ائلیمیزدن  سوروشاگ               

                                                                 یول وورانینگ ال قیچینی سیندیراگ        

                                                                 ظلم ایده نی اوزآتیندن ایندیراگ

 

 

محسن چالما ناامیدلیگ سوزونو                        چوخ کورموشانگ ظالم لرین توزونو

چاخارداراگ نامردلرین گوزونو                    

                                                                 الله اوزو بوائل لره یار اولار                  

                                                                 بوگینگ دنیا ظالم لارا دار اولار 

 

خرم دئدی قارداش اوره گ سوزونو                     قربان ایدرائل لرینه اوزونو

محسن گلسا اوپرایکی گوزونو                     

                                                                 داریخ اوره گ بوغم لردان شاد اولار      

                                                                 اوزاق دوشموش ائل اوبادان یاد اولار